KHALOKMA || KOKLOP || SIMON KALAI

Khalokma by Simon Kalai

Bongbraisa khumno kiyokma naisingtwi,

Angbo tonganw nono naisingwi.

Naithok wngwi kiyokdi nwng,

Mwchangrwi tondi khumulwngno nwng.

Bereng phaianw nono kwbang kukno,

Naisik laianw nono mokol bejua.

Khumulwngni hakchal twlanganw nono,

Phaianw angle bahaino rwktharwi.

Kiyogwi jora laiwi thang phano,

Naithok motomle kwrwi hasaka.

Mwchangrwi tondi o hayungno,

Bongbraihaikhe angle bereng phaianw.

Rekewi tonganw ang nini samo,

Sakno naithok hwnwi ta bolaidi nwng.

Naithokbai baksa wansugwi tongdi,

Jorabai baksa mwchangwi tongdi.

Nobarno henerwi swnamo bayap,

Yaksi yagra naikhe nuhuro nono.

Bahaino sarwi tongdi nwng salbrum,

Bongbraihaikhe angle phaianw molbrum.