Rangchakni Pohorno Nukphinai Tei Waisa || Koklop || Kusumsa Tripura

Rangchakni Pohorno Nukphinai Tei Waisa || Koklop || Kusumsa Tripura

Gurum gurum nokha gurumsao

Watwi nobarni jora

pherang kogo gurum gurumsa

Daisa,dainwi,daitham

Bankundri kotor bo phaio.

Hanokni sajak khumpuiti

Ri bumul kholnani korowi

Amang chimang khabrumui

Nok bising habo.

Pandani dangsa kobonkha

Bana(Flag)kobonkha

Khorang thakkha siring soro

Twma kok sanani tongmani

Khoroksa thwngrwng bodolni adong

Kwplaini salno yago nanani kokde wngkha?

Abobo pogwi thangkha

Poksaliya,pasaliya khorang

Atimang chalaikha pandani lukurog.

Taile thakgwlak khwna

O watwi,nobar,pherang kokma khorang

Sihorya thinang twmaba wngno?

Bikwrang gwnang toksa boya,

Birwi nainani

Hayungni raidano puitu toniganw.

Sal kasa phiranw waisale nokhao

Pilala chwngano hayungo pohor

Nokhani munuirurum mwkhang

Nukphiranw tei waisale rangchakni pohorno

Ayuk tongkheba kwthang.