Buphani Maya || Koklop || Soma Debbarma

Buphani Maya || Koklop || Soma Debbarma

Bupha hwn mabo kisani kok ya
Sakni kolomtwi ha-o khi khlai
Tang ja-o bihik bwsa ni bagwi Satung no satung hwn ya,
Uatwi no uatwi hwn ya,
Lengmano lengo hwn yaui
Khai ja-o bupha hwn jaknai
Khano bani-ui nukhung ni bagwi
“O bupha hwnjaknai ;
Bihik bwsa -no maya nang bo
Bini maya no phunukgwi man ya
Yang Kha o kupulung Maya khatijak
Bihik bwsa ni bagwi Kha o kupulung
“O bupha hwnjaknai
Bihik bwsa Mai ok pung ya
Wng ganu hwnwi tong ja-o ok bukcha Khe
Bihik bwsa kaham khe ok pung thu hwnwi
“O Bupha hwnjaknai .
kapna muchung bo kabwi man ya,
Nokni borok rok’-da nukno hwnwi
Ma toni ja-o mokol ni muktwi
Mokolo no chobwi khano methebwi
“O bupha hwnkajnai .
Masa thwi thang khe swngchar Kwlwgwi thangma hai ma tongo
Khorok saka-o, nok nukhung
Tong bo kwmai thangma Suk ma tongo
“O bupha hwnjaknai
Sakni bagwi wansukya karwi
Bihik bwsa ni bagwi swkang wansukgo
Sakni nangmani swkang naya karwi
Bihik bwsa rokno swkang ri-o
Sakni bagwi swkang wansukya
Bihik bwsa ni bagwi swkang
Wansukgo (bupha ni maya)