BAITHANGNI YAGO TONGRWKYA || Koklop || Dinesh Tripura

Maichwlwi kolsani bagwi

Sapung sal kolokma yak phehelna nango

Sanjao nogo kiphilwi

Sapungni ajima bwthai erui naimale

Kisisa nugwi

Bwkha khamsai phaio ani,

Sapung sal kolokma

Satung -watwi sago phwrwngwi

Swkangni mwkhangno

Ukolok huwi

Phan khibiwi ajima ulo

Ajima bwthai yaphao kwchaya

Bebakno kochogwi thango

Khurumpuini yaphao

Ajima bwthai yago tongrwkya wngma bai

Kha khamwi mokol muktwi yorjago

Haikhe tai ajina muchungjakya

Phan-seng kebel wngwi thangkha yakni

Tangwi ajina phano aji manliya,

Baithang tangwi ba

Tai bwswk ajina chaitoksinai

Khurumpuirok kisa-swk phano rikhe

Kisa le tongrwk khamung yaphao

Baithang ajima bwthai .