MUITO JADU NI || Koklop || Kilian Debbarma

saslang boyar sipphuru teisa

khapang udila wngkhe

watwini asar manmabai tini

bwkhao pherang kokkhe

nono no muito manu jadu

nono no muito manu

aichukni nokbar sago nangphuru

khombarrok kiyok khe

maising jorani siyari pamtwi

horni diboro kapkhe

nono no wansuk jago khapang

nono no wansuk jago

salka salkwchak kasai phaiphuru

bolongni toksa birkhe

khombarni bahai pirsai phaiphuru

bongbwrai bereng khe

nono no gana sano rangchak

nono no gana sano