Nono Sanai Kok Thaisa || Kolop || Rithish Tripura

Hayungbai sursakhai hayung lachijago

Tal bai sursakhai tal lachijago

Krishnani mokolo radhey mwchangmahai

Nwng ani mokolo mwchango.

Tongmung naikhai sita mwtaihai

Akol naikhai mailuma mwtaihai

Khorang khwnakhai saraswati mwtaihai

Nono ang matongo.

Khanawi naikhai nini kothoma

Satung kuprapmaobo kha kwchango

Wansugwi naikhai nini kothoma

Horobo aichukni sal kamahai matongo.

Khapangni kokthai saya tongmaliya

Nono sarakyani buino masao

Sawile nayano nono ang waisa

Logide rino thuiyasak nwng angbai baksa.