ANI GAIRING || KOLOP || TWIJLANG DEBBARMA

Aichuk ni pohor pirwi phai khe
Lamsokma khorang toksa toktwini
Bolongni khumrok kiyogwi phayo
Bahai kobolwi jai khe motomo
Noksar achukjak bura da hulo
Buri khe daba nwngo
Lai bwlai bai maichu chui
Lam rwo hachwk gairingo
Lama him Thani bura uansugo
Phan sotonwi yago da romwi
Yapri sekhe kebengnai sabo chwngno
Lama gwnangwi dumosok kubul bo
Yago da kubuk tongo
Lama him thani yakung philjakbo
Logi bwrwichwk tongo
Kirinai sabono?
Kebengnai sabo?
Harung hathai twisa twi khereng
Barwi himdi hachwk gairingo
Buri khuk kengo lengwi lenglama jora
Daba kusubwi hama rohorna
Daba pokbu kha bura
Bura kiphilo,
Lama him phuru
Pokjak manwi no
Muitu khai khwlai
Bwskango dosa khup
Tei kisa him khe twisa botoksa barwi
Hapung kasa khe malaiu gairing
Tabuk de muitu man?
Kubuino khorang
Twisa twi kochokma
Nuhuru uko hachwk ni gairing
Buphang tolao
Hapung songdari khungsano gairing
Nokabar sipchaui
Uasok bom khwlaijak
Hama nasaui lenglama horo
Poksaui thango
Lama kolok himwi leng phaina
Buri ba Sai
Bura tang rima rangchakni gairing
Omo no ani hachwkni gairing.