Sachwlang jora || Manudevi Debbarma

Chini tripura hao
Dalbidal sakmang romwi
Tripura haano naithok-khe tisao
Bisibrum-brun mol thangw
Mol phayu
Sachwlang molhai tongthok aswk nokjakya
Maising mol thangmani yagwlo
Sachwlang mol haphaio

Sachwlang jorao buphang kwpulung khum-buber
Bwphang- waphangw bwlai kwtal rotomna Cheng phio.
Bolong bisingw toksa-toktwini khorang khunao.

Bolong kwkhwrwng khapang kiyogwi
Sachwlang ni udila khapangno
Manphuruno
Phan kwtalni lamao
Hapung thaisini twibuk buksini barwi
Motoksao khum kwtal.

Sachwlang jorao bwkha sikla joraba
Kan kwthar kwthar chumjak
Sikli naithokjwk-hai ma tongw.
Madhabilata, khum wake ni bahai
Sachwlang jorano motom riyui tonio.
Oh tongthok sachwlang jora
Baksa baksa thaio khumni banik achokgw.
Kongkila khorangbai belai tongthok-thok
Oh sachwlang jora.