Agini Kok || Kokborok Poem || Jaspal Debbarma

• Agini Kok •

Chini Kamini Brwichwk Bura
Huk khe Chao Atharomura
Hati khe Chao Teliamura
Bwswk se tongthokna aah jora
Tabukbo tongkho nana dabura
Tongjao Harukura.

Barsa baino talsa ni Hati
Nangya Chwngpherang
Tongu bongni logio chati
Bebak manthokya phano
Jora le tongthothok
Ri-chum ni biyal phano
Machao salbrumno muikothok
Phungo maitulo bai chapano
Diborole laiphangbai khangrai godok.

Bwswk se tongthokna aah jora
Saoi khwnario muktrwi thangya jora
Tabukbo tongkho nana dabura
Tongjao Harukura.

-Jaspal Debbarma