Chongbari || Espan Debbarma

~ Espan Debbarma

Totra sotonwi chirigwi

Sakno bolailaima khorang

Yaksi yagra nobaro kobonjak

Sejama yamrok yachagwi

Hati habao, haswmaini simi hachwgo

Teibo nini Ani khugo sapung hopung

Luku khaswlak kwrwngrog

Lobwi khilite khilite methepbo

Manthai sansoknairogno

Haikheno khilijagwi

Hadulwi sibwi achukjak koinene

Yapha khoropte khoropte

Muwani rijakmahai sini sinikhe

Sakni phan swbawi

Hadulwio tukui himbu utung utung

Sago laisujao chongbarini thwi kutung.

Khilina kwrwngni yago waying duk

Muktrwio kwlwkphinai tabuk

Khunju sichajak yak ninangjak

Gana gini chirik mokorok

Ampaio, seklaio, tentailaio

Tobo lobwi muthujak

Sichana soiya muktrwini

Lik lik laio Ari lawi

Aha! Bwswkse kothok muktrwi

Sirwkya bebakno kwmao swrapsao

Kwrwi yaphao mungsabo

Khunjuo tailem simi nangwi tongo

Kwplai khwlaidi ano-sokromjak khorang