Gairing khungsa || Koklop || Suprachita Debbarma

Tabukbo tongo hapingo gairingle khungsa,

Siring swrong nugul mwchangrinai kwrwi,

Thong thong tongjao saichung bachaui.

Kwdwk ungkha riphailiya

Mwswirangchak kherbai phaiui.

Chokreng lenana phaiui manliya,

Twisa-dongorni mang manliya.

Haiphano tabukbo haping khwrangsajak,

Ari khwlai hamsari twnijak.

Toksa-tokmili salbrum birlango

Oh toksa-tokmiliba lengliyade sido!!

Salsaphano bwthak bailangya sago.

Gairing uklogw khokleng rajak,

Rasai tongbaibo khaknaisi kwrwi!

Gairing khamao kherengbar bubar

Kholphainai kebo khoroksabo kwrwi!

Bebaksi hapingni khibi kwlangjak,

Saboni swraimung nanguiba tabuk,

Haping siring siring ungjak!!