MUCHUNGMA || Madhusudan Debbarma || Koklop

Bisi kwtalni salo muchungma
Khao tango goja goja,
Kubui lamtwi kwthar khabai
Muchungo joto Raja.

Kwthar Salo Maphani hamari
Mayai kebo hamwi Maya,
Hoda dophani tongraida twyai
khumtwi motomma saya.

Naslema Sejama walaima khani
Swkakdi jotono sakni,
Kwtal bisini Hamjakma rungwi
Rwphai jotoni Thani.

DukhoKosta laima bebak pogrwi
Wansokma kaham tubui,
Rangchak Richak nukma mang
Twlang Maya logi rujwi.