Nwngba bahai ungno || Suprachita Debbarma

Aisirisiri  ang pamtwi ungkhe.

Nwngba laibwlai unguide manno?

Jaduyui nwngba baha’i ungno!

Yapri yasa nukhungo riphaiphuru

Nwngba ani logide himno?

Ani lam kesep phuru,

Nwngba ano logide rino?

Nokhao chumui kaplai tongphuru,

Khorang khwlaiui watwibo phainai,

Sibubuk hatina ungnai aphuru,

Twiba mokolnibw kisale kwlainai.

Aphuru muktwi hosaide manno?

Ani khano methepde manno!

Ama-babuni barini Khum,

Tubui phaimani khaphurui nwng.

Nwngba khumno naikolde manno?

Satung , uatwi, kwchangma jora

Nwngba bono chwnaride manno?