HIMNA CHAITOKNAI || KOKLOP || Sandhyaram Debbarma

Himmang tonganw ang ani langma tongsak
Chal phano, lok phano yaphang buchuk thak.
Nahar nuhurya bwswk chal siya lamani duar
Haiphano ang himmang tonganw lahar kuar.

Bathakya ang ani himmani kwrwngsaobo
Malai phano lama him thani busulwng,
Chaitoknai ang sogwina bagwi ani sogwi thaio
Hogwi ang lamani kuphungjak raisoklwng.

Usigwi thangnai bengswnal kwswngjak norwi
Kuphungjak bolongno daborok bai hogwi,
Jeswk phano phaithwng ani langmao kebengmung
Langma tongsak ang himnai lama phugwi.

Phiyaba uaisa ba thutainai, uaisa ba klainai
Haiphano ang bwchaui him phinai,
Uaisa ba lengnaino uaisa ba ruainaino
Haiphano bathakya ang himna chaitoknai.