Mwnakni sampili || Koklop || Aishiri Debbarma

Jora swlaijagwi phaibo komorya kho
Tabuk bo mwnak ni sampili .
Swlaijakya kho kwpal birmanrok
Kusupjak tongwi bo kok thaisa pungna rwngya
Satokjagwi tongwi bo mungsa khwlai na rwngya
Tabukbo yak khajak , yoknani lama naitukna rwngya
Nini ani hinwi seklai tonglai khe
Kwmai thangnai salsa chini sinimung rok……
Jora hamyani bero kwlai tongyawi
Sichai bachaoi tong nani jora tabuk
Twrwk twrwk kochorwi phairwrwk
Kwmai thang nai salsa chwng
Twisa twikereng twi haikhe ……..
Thinang chini mwnak wngjak
Salsa boro sogwino wansugwi naidi waisa
Kokbai simi saoi tongyawi
Samung khwlaina naidi ……
Mwnakni sampili bai koboljak ta tongdi !