CHWNG KWPLAI || Koklop || Sandhyaram Debbarma

Chwng kwplai jotoni slai
Paya kebo chwng bai bulai,
Sabo tong chwngno painai
Chwng bai khe phan solai.

Sabo tong mechen mannai?
Chwng bai choba khlai,
Phan bai bo paya, seng bai bo paya
Kebo chwng bai nanglai.

Mwsa phano, mayung phano
Phaidi sabo phainai,
Chwng bai choba nanglai nakhe
Thwi se kochok lainai.

Chini manthai sokthairokno
Nwng sabo seknai?
Tumungno chwng manya hinkhai
Choba khlaiwi nanai.

Hayungo chwngle kechen tongya
Buini tola seleng khlai,
Choba khlai chwng kwplai wngnai
Hayungo jotoni slai.