LANGMA || KOKLOP || KILLIAN DEBBARMA

Bairetwi mwnwi bisingo mogwi
Kwkhano kwtwi hinwi monogwi
       Tongo mo langma swngbai logikhe achogwi

Buibai miliwi kapma banioi
Swngcharni poja kwpal ruju-oi
      Yorwitongo twimanitwino naioi

Swnama kwrwi mana muchongwi
Buini manwino nijini hinwi
      Tongo tangwi manya hinwi wansogwi

Swngcharni jala khemaima paiya
Mokolni naithok naitokma thakya
      Tekto rinani bagwi

Swngchar kotorma paiphwlaiya samung
Sanmani kwbang bwkhani muchong
     Omani bagwino tongthogwi

Tongnani rwngya sijakma bagwi
Yasi phonogo torjago hinwi
     Sakno sokomorna bagwi

Boino phonogo tongthotok hinwi
Haile tongtiro sakno methebwi
      Ulode wngno hinwi

Naikolnai kwrwi naharwi mwnwi
Hamyano kaham hinwi sajogwi
      Tonio ano mokol khapongwi

Achawi phaikha thwinani bagwi
Sabobai tongnai omorkhwlaioi
       Nijini logisong kwrwi

Phaiphoro thaisa thangphoro teisa
Hinwi sajaknai jotono waisa
      Swngcharo achaima bagwi

Jora kwbangma haikheno laio
Nogwrai phaima thangnani nango
       Muchongma joto khibioi
       Muchungma joto khibioi