Mwnakni Pohor || Koklop |Tandrali Debbarma

O mwnakni pohor- nwngba mwrwi mwrwi phano,
Tamoni bwkhano aswk khakhamrikha?
Naibu nuk horya aswkda hakchal wngkha nwngba?
Puitu chaya angle nono tewaisa naituk khai nuganu hinoi.

Jorade hamya hinnai abonoba
Khao nini bagwi mungsaphano se chongui nai manliya;
Kwpal birimanni kokda tei saui pailangsi
Sayauino ma toni sinai bwkhao chobui.

Nwngba nuk horliyada ani mwnakjak thinangno?
Nwngba muitu manliya da nini pohorno kisisa ni bagwi ani thani rohornani?
Kha dumale sirwkliya tei,
Takphano nasingjak nini o pohorno.