YAKHILI || KOKLOP || TWIJLANG DEBARMA

Langa kuplung Mai raui dajak
Khorogo poja bira hilikjak
Lengwi twi kangjak kwrwi kha twisa
Ransa kha tabuk kuani twimuk
Yakung hadwlwi yakwrai kukjak
Ri chum kwrwi saklom kwrwi
Nokhano nukhung swnamwi tongjao
Uatwi nokbarno yakbaino pharwi
Maising siari hor baino lairwi
Tong khu tabukbo langma nasaui
Buphru aino buphru nuksano
Salni pohor bai pirsajak aichuk no
Swkangwi thang bo yapri kaisa
Soton naharo noksa arini sialsa bura
Daui hakoro alongo chobo
Chalrio pohor bai
Khiklaio molbrum ni mwnak hakoro
Phia tong khu tabukbo paithakni lama
Kwrak wngwi mechen nai mwnakno
Kanai chwng yakhili engsa.