Sabo nwng? ||Koklop || Madhusudan Debbarma

Sabo nwng? ||Koklop || Madhusudan Debbarma 06/06/2024

Hachwk sakao nokha tolani
Saboba ring ano,
Khorang khnaibo bujihor manya
Snimahai ang bono.

Khorang noboro motom kobonwi
Saboni ungkha sidu
Maya jaduni rwchapmung khnai
Rwktharwida naino khadu.

Khumuk siniya bubar ringhoro
Khol phaidi ano barsa,
Srisri nobar luleo khumbar
Motom bubar barsa.

Nokhatolao chikonsa garingo
Saboba huijagwi tong,
Bongbrai bai larima seklaimao
Angba manna da tong.

Larima birmhai bongbrai bao
Bagaikhe angba swngnai,
Khapang besero Hamjakma
Rwchabwi khna rwnai.

Haping tomsa birkhlai kotogo
Bahaikhe kha mannai,
Gana rwktharkhe Garing habsono
Khani kok botwikhe sanai.