NWNG SABO? || Koklop || Sajal kumar Debbarma

NWNG SABO? || Koklop || Sajal kumar Debbarma

Nwng sabo ani tamo?

Nono nokheno ani aswk,

Khapang kha swrango.

Nini mwnwima khwchwi kunao,

Sereksakhe nasigwi

Swngo ano, tamo?

Khwnai kwlaijak mokol kwcharo,

Yasibai norwi pailaiya.

Aswk naithok nini goronle,

Tamono sanai ang palmanlia.

Nwng sabo ani tamo ,

Tamo kok sanai,

Kokthai rotok manlia.

Mwlang chajak kokthai koboljak,

Tamo hwnwi ringnai,

Khuk kenglia.

Mohai jorao khwchwi konorwi,

Kisa mwnwui swngphiro ano,

Sadi tamo?

Ferang kokjak yakung yak kwlwijak,

Bwkha kwlwijak kokthai kwmajak,

Nwng sabo ani tamo?

Nono nokheno ani aswk,

Bwkha ayuk muyuk uwngo.

———‐————–