UANAO || KOKLOP || MADHUSUDAN DEBBARMA

UANAO || KOKLOP || MADHUSUDAN DEBBARMA

Tongsoknai kebo kwrwi,
Salsaya salsa yakarwi
Mathangnai noh chwng
Naithok tongthok khibioi.

Achaiphrubo bukcha
Thangphrubo bukcha.
Achaiphrubo buino yago
Thangphrubo buino bangraoh!

Haiphano seklaio borokrok
Bophru buchisinai,
Swrapsani Langmao,
Nini ani hwnlai aswk seklai?

Sakni tongthokni bagwi
Maphano norog pokbai?
Orono jotoni achaima Ha!
Mapha tonglangma nokthai.

Aroni nobar twi manwi tukuino
Torkha lok kha  norog.
Kami lam koroi Kwtal lam himlai
Pogwi thangbai aswk norok ?

Bosongni hukumu mukumu
Dophani rwgwi tongthai
Kungo tabukbo mankhu!
Tiprahani dukmali bahai.

Lekhapora degree tongkheno sikhitoya
Kokno saoibo buchirwimanya!
Kirio Khao kwmajaknani
Phunugwi kebona chwng Manya.

Mokol tongwibo mokol kwrwi
Bosong Dophani bwsarokni !
Maphani kokno khnatokjakyai
Buininoh aswk khnatokjagmani.

                                                 MSD