Kubui || Koklop || Boyer Debbarma

Nini Khao angbo khwnakha
Kubui tamo ?
Hamjakma Nini o hamjakma
Bwswksi bwkhani daro kwlaikha.

Nono wansugui imang nukmani
Tini nwng kwrwi Ani bwkhao
Chasmaini dugo kwnwi halok
Chwng bolaiwi
Kwrwi nwng tini.

Kubui tini biyango thangkha
Salsa nukyakhe talsabai baksa
Talsa nukya khe bisa nukyabai baksa
Kwrwikha Nini kubui kwtharni hamjakma.

Bwkhani khurio hamjakma kupulung
O hamjakma Maya kwrwikha Nini thani
Imang tongmani ninibai Ani
Swlaiwi kwlangkha nwng tini.

Kubui hinmaba
Ereng erengde sakhwna ano !
Bwkhani hamjakmao erengno
Kubui gosikha
Phiyaba kubui kwmaya Ani
Kwmakha Nini kubui!

Tinibo kwrwi kubui
Khwnabo tongwlak
Sonibo tongwlak
Nini ereng kokthai, kubui samani khugo.

Boyer Debbarma