Yakarwi kabujak sal || Koklop || Jems Debbarma

Bisi kwdwkma laiwi thangphano

Tabukbo tongkho ani bwkhao

Muito manhoro agini kokrogno

Cherai phuruo

Chwchwini gana chwngno achukrei

Samani chwngno kerang kothoma

Biyang kwmakha tabuk a jora

Ama kokewi maidul charima

Bwswkse thokma maidul kotoma

Bukhukbo chikon maidul mai chakya

Sarik sal thangkhe tal kwchangni pohor tolao

Chalai baksakhe chwngle tonglaima

Kwmawi thangkha tabuk sakbaksa

Chwchwi taklangma rigwnai thanti

Chuchu kailangma nakiri

Tabukbo tongkho aboni Mari

Wansugwi naikhe a jorarog

Bwswkse tongthok bwswkse chathok

Kiphilna muchungbo kiphilwi Manya

O jorano teisa