Ani Emang By Susmita Tripura

Ani Emang kaisa
sinimwng mannai ang salsa
bini sajwk bini hik ya
ani bumwng bai sinijaknai ang salsa

ani langma kothoma ungoi sajaknai
ang koroi bo ani mwng tongrwk nai

Chukya rokno chuba mannai
ani dopha no ang sakao tisanai

Maa pha ni lamani chati ungnai
talni pohor sadungo sakhulum ungnai

ang sak sakno aswk karak khainai
phaithwng watwi phaithwng nobar
ano sabai manya nai

Thinang no naithok ronani ang chaitogoi tongnai
tini ya khai khanap sal pasanai

chaitokmatoi se joto ungo
chaitokya khai khum chara haa bisingo no thui tongo