Tak borok By Graceful Debbarma

 
Juda Juda pali ni khwtwng bai takjak
Kwchak , Koromo,  kufur , kosom
Naiwui naithotok kanwi mwchangjak
Abo baino chini yaphang songchajak .
Tak borok chini kanmung simiya
chini hukumu chini laibuma
Rignai , Risa , Rikutu , kamchwlwi borok .
Chamathwi borok naithokma bara
Mwchangwi kano chwng bukung bara
Kwchak pali ni Risha , goron bai mwchangmabara
Yaphangni simi no chini hukumu
Chini tak borok , chini kan borok
Gothogwi mwchangjak juda juda kanrwbai bai
Rangbwtang , Uakhum , Baju, surang
Rangchakni slaibo morok
tamni hwnba chini sinimung aborok
Khwtwng bai baksa chini laibuma bo  khajak tak borok haikhe
Kwbangma kanmung chumung tongo naithok
Tofanw aboni slai bara naithok chini tak borok .