Swrwngmung || Koklop || Jhori Debbarma

Sak no hamjaktwi swikongno hamjakdi

Ma-pha ni kokno khwnawi tongdi.

bwskang yapri sedi ;

Imang tongmano mwkthang swnamdi

Kubui kwthar lamao himdi .

Ma-pha ni boromno kuchuk tisadi ,

Dophano hamjakna sidi

Lama bangmasing lama ta pokdi

Ma-pha phwrwngma pogwi ta thangdi,

Phunugwi ridi swikongni mul bwtwi:

Hatal khwrangsai phaimano nukgwi

Ta yor hordi nni khakwlap ni thwi ,

Khwlaidi kwrak khe nini naharmungno twiwi

Ta swnamdi buini kokthaino kholwi

Wansukdi nini Thinangni bagwi .

Tilokni twi paikhese twi kangma saimanai

Nokni mairum paikhese mai okhuima saimanai

Ma-phani kok norkhese olo birman mannai.

Twisa le twlango jorano kochokgui

Phiyaba Jorale nasing gwlak keboni bagwi: