Thansa nukhorya || Koklop || Twishri Debbarma

Jorabai Borokle swlaijakkha

Hayung kotorno mokolbai sinikha.

Bosongni laibumano siniliya

Hukumu Mukumunole siliya.

Borokbai borok naisle laio

Ukologo hamya kok salaio.

Rang Mai gwnangno naisik laio

Kwrwinokhe hwnkhe norlaio.

Kuchuk Borok hwnjaknairok

Swkango phailaio,

Thansa wngna kokbiti rwlaio,

Chongmarini yagulokhe pogwi thanglaio.

Baithangni Maani kokno Hamjaknairok

Bosongno thansa wngna bagwi wansuknairok

Hayungo malmata komorwi lekhai manmahai

Thansani bagwi wansuknairokbo yaphasahai,

Maani kokno sana lachi laio

Phatarni koknokhe khwnathokjakbaio.

Maani kokno siwibo sayakhe,

Hukumu Mukumu tongwi bo phunukyakhe,

Thinango bahaikhe thansa wngnai?