Nwng ang swiya sayakhai amani kok bahaikhe pirjaksinai || Koklop || Sachlang Debbarma

Twipra hani tiprasani chini sinimung kokborok kokthai bai.

Hachuk hathai twima twisa Chwng kung bara rokni ha mwswi rangchak hai.

Rwchapmung borok sumui supmani dangdu sarinda tamani khorang,

Yarwk chini manjuiyu sino-tibetoni kokthai bothoma bai.

Risa takhumtwi gamsa khamchwi rigwnai chamathwi,

Nwng ang swiya sayakhai amani kokrok bahaikhe pirjak Sinai.

Mamita mwsamung mosok sulmung mai chuklaimung waruk chirlaimung,

Da-borok tongbu husi-suljakya khe bahaikhe buksinai.

Godok chakhwi mosodeng berma bwtwi murwi pengwi,

Bolbai songnaise kwrwikhe boro hokuldum motom sinai.

Nwng ang swiya saya khe,

Kok amani khugo swrwngma kokborok bahaikhe pirjak Sinai.