MWRANJAK || Koklop || Rehena Debbarma

Imangni Khumbar

Imango no hoisinai

Langmani tongthok

Lamao no kwma sinai

Khani khakchangma

Khao no thwi sinai

O lama no kocho hinwi sikhe

Him gwlak khamu

O imang ni bubar barya hinwi sikhe

Kai gwlak khamu

O kha bainai hinwi sikhe

Hamjak gwlak khamu

O swmai no ereng hinwi sikhe

Puitu khai gwlak khamu

O langma no mwnak hinwi sikhe

Pohor no nasing gwlak khamu

Mwktwi bai sal hapjak

Imang hamya bai hor aijak

Nasingma bai sal lokjak

Khaja mao kha baijak