JWNGJAL BWKHA || Koklop || Shibani Debbaram

Jwngjal bwkha o nangmale kubuino mankha kasto Ani,

Jwngjalni lamao thangya hinoi wansukgwi tongkhe bwkhase maniya ani.

O ‘Bwkha’ keboni kokno khwnaya, Keboni kokno puitu chaiya.

 Je lama tongma, je lama nokmanise himo.

Sal thango sal phaio, Hor wngkhe Phung ai o, Bisi thango-Bisi phaio,

 Bwkhgani jwngjal le thakliya Ani.

Sabo ba swnamkha o hamjakma bwkhani jwngjalno….Aswk,

Lama-lam kolok himnani wansukgwi imang nokmani Nwngbai,

Kubui ‘Bwkha’bai wansukgwi imang nokmani Nwngbai.

Aswk lam kolok himphuru nono sakbaksa manano hinoi?

O rangchakwi nwngba muitu manliya de Ano?

Sakni kwsale hamwise thango, Nini marile torokgwi rio.

Sairik kwlaikhe nwngbai ‘Khabaksa’ malaima aswk,

Biyang bo thangkha O salni hamjakma nini ‘Bwkha’o Ani.

Nwngbai achokgwi kokbiti salaima, Muiturok mankhe mokoltwi haio muktwi rekewi.

Kha kubukgo wansukgwi, Tumabo wngno kwpalo Ani,

Tokmale sal baru Bwtwi twinani, Nonole pokya Bwkhao Ani.

Nini hamjakma bojina thangwi, ‘Bwkha’O nangkha’ Jwngjal’ Ani.