Kiphildi || Koklop || Thwiplya Debbarma

Himte himte nwng ano

Thangka ta hindi.

Kok swmai rwdi uphilwi khao

Kiphilnai ang taisa.

Nasing tonganw lopsai jaduno henerwi

Ehu-hu khorang yachakdi nwng.

Laibuma chini rujui tonganw

Kothoma saphaidi nwng.

Naithokya mang mwchangya wngphano

Chwna rwphaidi logio nwng.

Angle keboya –

Raida twinai nukhungni hukumuno.

Goron chwngchasah muwani nangbo

Ta pokdi nwng,

Bosong ruwai sasong ang nini.

Kiphilwi waisa

Sinimung ridi nwng hayungo

Hukumu-mukumu, raida ang nini,

Sakmang mananw aphuru nwng,

Hayungo.