Gatilam rekeo kormoti || Koklop || Espan Debbarma

Swkango habani borok karyasani

Dibor ebakhe sarik jora

Kamini sikli chalai

mare-maijan ringlawi

Khorang yachaklai

Gola kheplawi, haiyakhe

Maitwk muituk thuthururu twiwi

Gati bwkhak toroi toroi.

Twi khoktwtwi

maitwk muitwk hutwtwi

Sikli jorani kokrog salaitwtwi

Ha-ha, hi-hi Yamrok yachakjak

Sikli chalaini

Mwnwi kelek khorang

Khwnathokma juda gatio

Teibo gati motombo

Sikli bodolni bahaibai

Phiya gatio thangna

Tabuk tei ringlailiya

Nasingna nangliya

Rigwnai khebwi gatilambo

Jorani logio khungswlaibaikha

Hachwk khakha haswmai

Kami wngkha kamichang

Halok chalkha sak chalaini

Kurukkha kami khungsani gati

Sogwikha nokhola nokholao.

Swkango gatilam thansa

Tabuk wngbawi bedek bupra

Ransakha motomjak gati

kuphungrwrwkkha gatilam

Tophano gatilam rekeo kormoti.

Agini gatilamnokhu

Tabukbo bini gatilam

Sakchalaibai twi khokma kuwa

Wngyakhu bini bagwi khuwa

Swkangni haswmai gatilam

Tabuk wngkhado hacham

Swkango bwchango gola

Tabuk khorogo kasakha Gola

Aswkno swlaijakma kormotini