Ani Imang || Koklop || Twishri Debbarma

Ama nwng ta wanadi,
Nwsajwk salsa borok wngnai.
Bwrwi hwnkhe tamo wngba
Angkhe imang nukmanya diba?
Babu satungno satungya hinwi samung tangmani,
Salsa ang supungnai rangchakbai.
Jora hamyao kwlaiwi tongphano,
Mwnak wngwi pohor phaiya wngwi tongphano Salsa chini bo pohor phainai
Phaiyakhe ang bono ringwi tubunai.
Ani wanama aphuruno hamnai,
Jephuru ang nogo pohor tubunai,
Rangchak hai chwngwi hayungo bachawi manai.
Amma babuni mokolo mwnwimung nukkhe
Ani khapang tongthoknai.
Borok wngwi hayungo phaimani
Phaimani hai ma tngnai.

                 ---Twishri Debbarma