Hayungni gwrwng || Kokborok Poem || Madhusudan Debbarma

Yakhili engsa engnwi Kate Kate
Sokphaikha langmani lamchugo’
Himte himte lamkolokma himkha
Hayungni e gwrwngo’.

E langmani lamo malaikha kaklaikha
Mare kiching logisong bai
Mankha hamjakmung kha-kupulung
Laibukha kiri korobai.

Langmani e haparo malaibukha
Thwnglaikha bayasongbai,
Muito Manu sikla tongbuma
Langmani e gwrwngbai.

Khapang mithigo tini khatangwi
Olphirwi naiyo khorosabo kwrwi
Khapangni hamjakma borokno
Khapang besero kwlaio muktwi.

Hayungni oh gwrwngo bebakno
Tongthok chathok emangrog
Twrwng twrwng mokoltwi laio
Khapang ni koksao bayarog.