BOROK SATUNGJAKYA ~ By Papiya Debbarma

                  Papiya Debbarma 

Belai kutung satung
Phiyaba borok tungjakya!
Hama pho pho
Phiyaba borok lengjakya!
Jora bai baksa mwchang rina bagwi ano
Lengmano lengya hinwi
Sakni kolomtwi khiklaiwi
Kaisano naimung borokni nwng kuchukgo kadi.

Borokni lengma rokno nukgwi
Kha khamsaui phayu ani
Phiyaba ani yak sokja jaya khu tabuk bo
Borokno lengma pok rina ni
Tai buphuru ani yakba sokja sinai ?
Jwngjal ni tai buphuru ba yokri man sinai
Ani Maa-pha no
Sini sini kha khamu ani
Mungsa chubai manya khu tabuk bo.