Dongdari by Jayatri Debbarma (Kokborok Koklop/Poem)

         Dongdari

   Jayatri Debbarma

Bolong lama hokmasing hogwi

Kwlaiwi tongkha tabuk lama kinaro!

Tongte tongte kichale mwktrwi laikha,

Achomsa sichawi naiba…

Tabuk ang da borok buya damrabuya!

Da borok wngmati hogwi naikhamo hapung thaisini twibuk buksini,

Huk khwlai chanani!

Wngliya wansuktwi tamole khainani.

Da borok wngyabo damra wngmati,

Kaiwi naikhamo huk kitingwi maino,

Tabuk ang damrabuliya tangwi chana manliya!

Nangwi tongkha tabuk dongdari,

Sakno kubukkhe hulnani!

Hapung thaisini hogwi mayabo,

Thaisaswkde manojani.

Langmano mwthang toninani,

Nango ang tabuk dongdari!