Nokhungni Kwtal Hojwlai by Biswajit Debbarma

Bwta Okrani Naikolmung Tei Bibijwkni Thani Mankha Hamjakma,
Aboni Ulo Sajwla Kwchar Phaikha,
Bo Nokhungo Pohor Bai Supungkha.
Sajla Kusuni Thani Mankha Hamjakma,
Borok Takhuk Khorokbrwi Bwta-Bahanokrok Khoroksa Tei Khoroksani Yak Romwi Tonglaikha.
Bwta Okrani khatungma, Bibijwkni Hamjakma Tei Buphayung Kusuni Kha Tormani Bisingo,
Bo Mwnwina Rwngwi Thangkha, Bini Mochungma-Wansukma Rokno Yakarnani.
O Nogo Puila Nukjaknai Imangya, Tei Bo Jotoni Swlai Kusu Boya,
Bo Ba Nukhongno Thangsa Khe Manjoui Tongnai Kwtwngse.
Jora Kaisao kotor Hunwi Binoro Poja Rujuwi Rwjakgo,
Tei Jora Kaisa o Chikon Hunwi Bini Wansukma Rokno Nakarwi Rijakgo.
Bo Kok Silsaya, Bo Siringkhe Tongmani Kokno Bujio,
Bo Sakni Sai Swkang Nukhungni Borok Rokni Mwnwimung Naitukgo.
Nukhungni Bisingo Bono Puila Athukiri,
Rwngnok Kotorni Mario Swrwngmungno Ringhornai.
Bo Bijapni Bwlai-o Kwtal Koktwma Swiwi Tongo,
Bo Nukhungni Puila Rwngnok Kotoro Thangnai.
Tabuk Bini Samung Khlaimani Bisingtwi Nokhungni Hor Pohoro Swlaijaknai,
Tabok Jotoni Bwskangni Lama Bini Simung Ni Bisingtwi Bwskango Yapiri Sejaknai.
Bo Horo Bachaui tongo Tei Siring-Siring khe Swrwngmung Swrwngo,
Bono Puila o Nokhungni Khoroksa Rwngnok Kotorni Degree Mana Bagwi Khatangmung Tubuo.
Bwta Okra Ni Kuchuk Wngnai, Bibijwk Ni Borom Tei Bini Bophayungni Bagwi Khatangmung wngnai,
O Kwcharo Tongnai Bwsla Khoroksa Bi Swrwngwi Nukhungni Jotoni Langma Tei Phola Wngnai.
Surimani Bisingo Bini Mung Kwcharo Phano Phai Thung,
Tamo Khe Bo Nokni Jotoni Nokhung Wngnai.
Tamoni Hungkhe O Sajla Kwcharno, O Jorao Kwtal Bijapni Bwlai Swinai.