Mwswi Rangchak By Anish Debbarma

Haping gairingo chorewi
Chai tongjao, mwswi rangchak.
Tongjamani khatungsasa
Sachlangni boyar kwchangbai.
Opungwi chalai tongjao
O hachuk hathaini sampa orairok.

Hakang gwlani nokha kwkhwrang
Somsawi phaio horjwlaini thapwla
Huk hatal mai kainani bagwi.
Bwsa bwtwi, tongthai kwmajagwi
Kharnani nangjao, tongthai naitugwi.

Khuk perliya mwswi rangchak
Khapango maya tongmani bagwi.
Bisi pungya kheno sinjo akarmabai
Wngwi thangkha huk hathai borokni.
Abono nugwi jorabo kapna kwlaikha.
Mwransajak khapang mithikma gwnang
Ringhorwi tongjao mwswi rangchak
Hachuk hathaini bolong yamroksano tabuk.