Kaslekha kaslekhano by Sagar Debbarma

Omthai thwi kwlaikha sal tal nukphaika
Hayung nukphaika nok-huk sinikha .
Halok manjukha halok swnamkha
Kokni kokthai kaham tomungno phwrwngna rwkha
Baithang khasiui baithang sichakha
Ama khurino khibi baithang khurio tabuk.
Pojani pherwi bohokni bagwi amchai khulumui
Tongkhorni kagwi kwtal bahaini kha motom bwkhak
Phaima khakawi bukchani supung,
Bangphaini motok totra kothok swrapjak bomotok.
Mayajalni maya kubului maya thapla huk-kha
Thangya hati kwlai nukhungni ongkhorna kwlai
Wansokna khasiya wngtelai
Kwlaina nangnai dirang.