Hukni Tangmung By Payel Debbarma

Kartik hakwrak huk nairwkkhai aguno huk achuknani,
Agun thangkhwlai puso huk hoknai
Phalguno warengsa thwinai.
Choitor huk soknai warengsa khamnai
Choitor thangkhele buisak haphainai
Hugo mai kaina jora sokphainai.

Sarik maikwchang phungni ohk banta
Aichuk bachaui salno naisigwi
Khopcha maidulsa chalai thanglaio.

Phungni saldipor wngma saimanya
Sarik salhapma saswlap manya,
Satung chiringma tungmani siya
Tangma bathagwi lenglana bagwi
Tongjao gairing khungsa,
Gairing kwrwikhe lenglao buphangni tola.

Takhuk okra tamono hamjak
Nwngna dabani hokutwi bwtwi,
Bukhuk okra tamono hamjak
Chana kuwai bai phatwi,
Salburum burum tangwi chalaima obono tangmungni yakthai.