Hachwkni phola o huk by Khachuk Debbarma

Hayungni khurio o huk hathai
Hachwk pholani orono chathai
Phan baksa jotoni rangini khorangbai
Maichwlwi halok bomani habai

Jadu kolija rwchaplaio yachaklaio
Kaisleng bisingni maichwlwi bakhwlaio
Muikwthwng thaikwthwng habai kaijago
Satung watwirok mwsai thwnglaio

Langa bisingni maichuk
Hamuk mosodeng mui athuk
Jugalwi palbaksa joto takhuk
Wasungni gudok jotoni khachuk

chamung chaborok, lengmano pokrwi
Tangmung tangborok, hathai khwrangwi
Bebak Hukumu hukno rwksawi

Khani surima mailuma khuluma
Goriya wathop kwthar
Hukni mai mamihangar
Mai khul siping rawi tisalai
Tongthok mamita mwsalai