Chini Sinimung by Jari Tripura

Tiprasa dopha mwchangma bara
Rignai-risa-kamchwlwi borok-rikutu kanmung-chummung
Awan bwthai-chakhui-butui-gudok chamung
Jadu-Kolija rwchapmung, Sarinda-Sumui tamjaknaimung
Goriya-mamita-hojagiri-lebang bumani mwsamung
Kok samani kokborok pharlangmani Radhamohan

Tongu chini dangoima-dangoipha
Khwlailangjamani Wathob-Ker-Goria-Lampra
Habarno borom runani-naikolnani phurunglangjakha
Hukumu mukumu ongui torukkha
১৮৪ bubagra, laibuma ongui torukkha Rajmala

Manu mai-khul-siping-maisui-banda-khumchubrui hugo
Barokjak laiyo thaichumu-maisinga-moka gatio
Ama habarno phunugui, hambai tei khulummung rulaiyu

Gairing hai naithok nok buro mannai !
Nokbar sib sib kuchugo kakhe
Nukhonu kwchalni jotto khwrangjijirok

Rengu ST, Tribal, Pahari, Upojati, phiya
Chini Sinimung tongu Chung “Tiprasa” .