Chini Gatio by Alendra Debbarma

Chini gatio twisa besero
Kengaio bongphurai bura.
Ehu hu hu khorang yamroksani
bolong burasa choksa.
Saichwng thangrakya tukuna hinbo
Ah-kurang tongo hinwi.
Chini gatile bebak manthogo
Sikamuk ah tei athok khangrai .
Siring soropbo huijak tongnaibo
Tepsa nwngphaio twi rangsa.
Guromsao nokha aliya kona
Ko kho punglaio yongla ahgum.
Sanja kwtwio chati dik dik
Khul lubmani chengkharuk logi.
Mwswk bengsa-wi kiri sro-wi
Thango ang hacham kawi.
Baka kupulung muihan hangjak
Thapao sokjak maidul.
Nana ni khuri kerangkothoma
Liksa mwktwrwi ano sotonu.