Muituni bwchwlwi by Sagar Debbarma

Ani gairingni lapdang khulokjak Nokbar sichaui hapthun,

Ani gairingni engsai ransajak watwi ha kwlai sithun.
Koktun tunmani chumuiyo dulwi Nokbar kwrano sarwi,

watwi ha kwlai bumuk permani muituni buphang wngwi
Dongo kwswngwi bubarle bar kha
Bubarni goronse kwrwi.
Kuchuk ha sikam ha mwrwkmani jorale kochokjakno,kami huk alem chanani bagwi
Ochai komthingo komthai
Hamya yakakthuk kaham lam rwthun
Hakchen, ha kosok suchajakbaithun
Maiphang, khulphang khwrangsai phaithun
Nukhung thwgwino khurumpui wngthun.
Maimungno naikhe tarko,badiya,maigro
Maloti,garuk,makhumai,srang,maiborok.
Kami chokdiri dagimung manjak sikwla misip huijak naichomo,

Lebang romthani mokol thutaiwi Sikwla misip nukha .