Norokni thani By Rakesh Noatia

Hapingni garingo henerwi khorang
Hukumu mukumuni terno
Hohom dodokhe hamarini salo,
Norokni thani yaphar rwkha.
O hamarini salo,
Norok jotoni bagwi.

Rangchak jora aswk naithok
Sakni mwktwini tiyario kwlwkna,
Ang saichungya kothomao,
Thani lama lamthai doltwi bwchawi
Nini ani kothoma sarwi,
Takhukrok bukhukrok hinwi.
Sichamung, kokbiti, phan tei phanbai,
Yaphangno pohorni lamano tubuna,
O lamao norokni thani.

Angle phaiyanw wansugwi, norokse langmani
Twma jora, twma mol,
Imangni yakhilik yaprio rwchapmung tangsa
Salbai horbai, pilala nokha tola,
Tabuk norok thani.
Kubuikhe, kha kwrwkkhe, keboya hinwi
Puito kwtharbai yakbai swmai,
Norokni thani wngkhwna naisingjak.