Malmatani Khorang kwrwi bwkha By Mini Debbarma

Malmatarog sakni khasamabo saya,
Borog mungsa silsamungbo riya.
Siring mokol bai simino,
Joto wansukmungno phunugwi rio.

Borokrogni swngcharo, abo kwbangma jora
khorang kwrwirogno khakhamjak.
Haiphano puitu khwlaimani ukologo bachaui,
Borog salbrum no mwnwiui tongo.

Borogni bwkhaobo muchungma tongo,
Borogbo hamjakma manani muchungo.
Kisa Hamjakma simi rwdi,
Hinkhe borogni langmabo chwnasaui thanganu.

Borogni tongthai tongmani, manthairogno ta nadi,
Borogbo o swngcharo nogorai wngwino phaio.
Borog malmata phano, borognibo langma tongo.
Hamjakma manna muchungo
Borogbo borok munuisuni thani
O malmata hinjaknairog.