Huksom By Sharmila Noatia

Chwraini simi khwnai phaimani
Chuchu burani thani.
Huksom huksom berai laimani
Khundrupui kholaimani.

Huk hokna swkang chakhwi chalaimani
Chuchu-chwchwi ni khugo khwnamani
Sam komorthu hwnwi.

O bayarok O chalairok
Pogwi ta thangjabaidi
Huk se chini langma
Chini sinimung.

Ta tongdi kosong
Ta chadi kosong
Kwthadi bosong Bai bosong
Narwkdi chini bosong.

Nokbar kotor riui phaiphano
Chwngle pokjana kokya.
Mokol Bengswnal swngjak thangphano
Chwngle yakarna kokya.
Khatijabaidi chini hukumu-mukumu.