YARWNG By Sampili Debbarma

Kothoma kuthumjak bwkha bisingo
O bwkhaba tai bwswk buchisinai
Sajakya kokthai mokolni muktwi
Tai bwswk huijaksinai
Kwkha kwtwile totra ni banta
Lailiya totra kwchakha chamung
Omono lachimung ni hanta
Yarwng tongwi no bedek nasaoi phaima
Khakwchang rwibo siya chini hamjakmale
Nwng siya obohai de nwng chwngno khaima
Kwmakha nukhung kwmakha hamjakma
Aswk de thoka angur bwtwi nwngba
Buphang bwsale rotomna naiba
Satungwatwile nangya nobar kaham se nango
Nobar hamyase sago nanglango
Obono kwpalni swijakni mari
Naisikna nangkha sakni omthai
Oboda ani langmani sajakthai
Yarwngno khibioi maya yarwng tongkhese buchukbo tongo.