JORANI UKULUGO TIPRASA By Rehena Debbarma

Phwrwngo ding-ding bacha daua-daua
Yapha khorobdi daua
Swrwng gwradi nwng bo tai kisa
Yaksi-yakra churub-charab
Nai naila nini le piring-parai
Khorang tisao, khorang yachak laio
Ulo malai le biyang bo kwmalango
Bonang-bonang sibo siya bai baksa
Berebjak yak, muthupjak bukhuk buini phan ni tola
Jora bai baksa tongkha ninang-dinang
Jora boro ni boro sogwi kha
Nwng khe naila boro oo….kwchai tongkha
Nuk-huk kaham kwrwi, mwsa-mayung ni jala
Uatwi molo khe, nobar-uatwi pherang ni jala
Kirima thakya, uanama paiya
Pohor rwnai pherang kwrwi, nwngna twi kaham kwrwi
Himna lama kaham kwrwi, porijaknai rwngnok kaham kwrwi
Kulum-kwsa phunukjaknai sakham nok kaham kwrwi
Kwrwi khada kebo, chini bagwi uansuknai?
Kwrwi khada kebo, chini bagwi naikolnai?